Сурхондарё вилояти Бойсун тумани Қўшчинор маҳалласи Обгир қишлоғида жойлашган “Сайроб” жомеъ масжиди тўлиқ қайта таъмирдан чиқарилиб фойдаланишга топширилди.
Масжиднинг очилиш тадбирида ЎМИ Сурхондарё вилоят вакили Э. Рустамов ҳамда ўринбосари А. Фатуллаев, туман имом-хатиблари ва Обгир қишлоғида истиқомат қилувчи фуқаролар иштирок этдилар. Мазкур масжид ҳозирда 700 нафар намозхонга мўлжалланган кенглиги 22х14 янги хонақоҳ, баландлиги 5 метр, эни 3,5 метр бўлган шарқона услубда гумбаз, меҳроби ўзига хос нақшлар билан безатилган. Хонақоҳга шарқона услубда қурилган эшиклардан кирилади. Масжид саҳнида замонавий брусчатка ётқизилган.Таҳоратхона биноси ҳам замонавий услубда безатилиб, барча қулайликлар яратилган.
Шукрлар бўлсинки, истиқлол шарофати ила бу каби хайрли, савобли ишлар кўплаб амалга оширилмоқда. Ҳукуматимиз томонидан мўмин-мусулмонларга яратиб берилган кенг имкониятлар ҳамда шароитлар натижасида “Сайроб” жомеъ масжидининг қайтадан таъмирдан чиққан янги биносининг фойдаланишга топширилиши ҳам истиқлол ҳамда тинчлик шарофатидандир.