29-август куни Сурхондарё вилояти Ҳаж-2016 ҳожиларини кузатув маросими бўлиб ўтди. Дастлаб Термиз шаҳар “Мурч бобо” жомеъ масжидида зиёфат дастурхони ташкил этилиб, бўлажак ҳожи ота ва оналарнинг дуолари олинди. Вилоят раҳбарлари ва барча кузатувчилар томонидан ҳожиларнинг сафарлари бехатар бўлишини, ҳаж ибодати давомида юртимиз, халқимиз ҳақларига кўплаб дуолар қилишларини сўраб, бўлажак ҳожиларга оқ йўл тиланди. Ҳукуматимиз раҳбарларининг бундай юксак даражада эътибор ва ғамхурликларидан мамнун бўлган ҳожиларимиз юзларида қувонч ва розилик ҳисси билан Термиз шаҳридан жўнаб кетдилар. Аллоҳ таоло ҳажга отланган барча юртдошларимизнинг ибодатларини қабул айласин. ЎМИ Сурхондарё вилоят вакиллиги котибияти