Азиз юртдошлар мана шундай имонли,эътиқодли,гулаб яшнаётган,тинч тотув, мамлакатимизда яшаётганимиздан бир нафасга уч шукр сўзларига амал қилиб яшамоғимиз керак.

Азиз асримизнинг азиз онлари,
Азиз одамлардан сурайди қадрин.
Фурсат ғаниматдир шох сатрлар ила,
Безамоқ чоғидир умр дафтарин. (Ғ.Ғулом.)

Ўзбекистон Оллоҳ назари тушган юрт. Мустақиллик берган кенг имкониятлардан
тўғри фойдаланиш ҳар бир кишиниг виждонига хаволадир. Бундай шароитдан фахрланмоқ керак. Қанчалар шукроналар айтсак оздир. Юртимизда бўлаётган янгиликларни санаб бўлмас даражада ўзгариб ёшариб бормоқда. Равнақ топган юртимизга асло кўз тегмасин. ғаламислардан, фитначилардан, чет ғояси бузғунчиларидан, ўз ватанини сотувчилардан, ўзга юртга гадо бўлганлардан, бир ҳовуч ватан тупроғимизга зор бўлиб, хор-зорликдан ўлим топаётганлардан, ота-оналарининг, қариндош-уруғларининг қадрини, юртимизнинг истиқлолини билмай адашаётганларни Оллох рост йўлга солишини насиб айласин. Оллох йўлидан, Расуллох саллаллоҳа алайҳи васалламнинг йўлларидан юришни юракларига солсин.
Мана юртбошимиз И.А.Каримов тинчлик ва осойишталик, юртимиз равнақи, халқимиз фаровонлиги ва камчиликсиз яшаши учун кеча-кундуз тинимсиз шарт-шароит қилмоқдалар. Ҳар бир қарич еримизни олтинга алмашмайдилар, юртимизда оёқда тик туриб ватанимиз сарҳадларини қўриқлаётган посбонларга, бунёткор қурувчиларга, янгиликларга тезкорлик билан яратаётган ва элга жорий қилаётган барча олиму олималарга, захматкашларга куч ғайратни Аллоҳ ато қилсин. Юртимиз тинч ва фаровон бўлсин. Бундай ватанга, бундай яшшашга шукроналик қилмаслик кўрнамакликдир. Инсон олам безагидир шунинг учун у камтар бўлиши керак. Камтарга камол мақолига амал қилайлик.

Хаё ва адаб билан хаёт кечиргил,
Яна таъзим ва хурмат бажо қил.
Қайси эл ёри бўлсанг,ўшалардай бўл,
Қандай бўлсанг, шундай йўлда юр.

Хатога қарши чора нимадир?
Сўзсиз ўз хатосига очиқ иқрор бўлишдир.
Агар хатосига далил келтираверса,
Тўғри бўлса хам хатони икки баровар оширади. (Маснавий)

Агар инсонда барча гўзал фазилатлар
Жам бўлса,уларнинг отини эхсон деб атайдилар.
Шулардан бири сахийлик, бири эса мурувватдир,
Булар бўлмаган инсон, инсон эмасдир. ( А.Навоий)

Юртимизда шукр қилувчилар кўпаяверсин. Оллохга хамду санолар бўлсин. Расуллуллох саллаллоҳу алайҳи васалламга саловатлар бўлсин. Бетакроримсан, Ягонасан, Она ватанам- Ўзбекистоним !

Олтинсой туман Шакарқамиш
маҳалласи отинойиси: Б. Қаюмова