Халкимизнинг энг яхши кўрган ва энг кўп такрорлайдиган дуоси “Илоҳо хонодонларимизни тинч ва осойишта, юртимизни обод кил” деган дуодир. Доно халкимизнинг “Кўшнинг тинч сен тинч”, “ Бир кун уруш булган жойда кирк кун барака кетади”, “Тинчлик”, “Уруш томошабинга осон” каби мақолларда ҳам тинчлик қанчалик бебаҳо неъмат эканлиги айтилади.
Барчаларимизга ҳозирги пайтда юрт тақдирига дахлдор ҳисси билан яшаб,ён -атрофимизда бўлаётган ҳодисалардан огох булиб, ахоли уртасида тинчлик ва баркарорликни кадрига етиш, дунёнинг турли мамлакатларида давом этаётган нотинчликлар хусусида, уларнинг асл сабабларини янада яхширок тушунмокдамиз.
Албатта мамлакатимизда руй бераётган ривожланиш ва тараккиёт юртимизда хукм сураётган тинчлик ва хотиржамликнинг эвазига булаётганини , тинчлик эса ўз- ўзидан , осонликча булмаслигини унутмаслик керак. Оллох таоло куръони каримда “Агар мен берган неъматларимга шукур килсаларинг уни зиёда килиб бераман”...-деган. Албатта юртимизда хукм сураётган тинчлик, хотиржамлик, фаравонлик ва ободликга шукр килсак Аллоҳ таоло бизга уни зиёда килиб беради.
Аслида, атрофга бир назар ташлайлик, юртимизда бўлаётган бунёдкорлик, ободончилик ва кундан кунга гузалллашиб бораётган гўшаларни кўриб, кишининг кўзи кувонади, дили яйрайди.
Маълумки тинчлик Аллоҳ таоло томонидан бутун инсониятга инъом этилган улғг неъматдир. Ислом дини тинчлик тушунчасини ўзининг бош ғояси ва муҳим шиорига айлантиргани бежиз эмас, албатта, Аллоҳ таоло куръони каримнинг (Бакара сураси 208) оятида “ Эй иймон келтирганлар! Ёппасига тинчлик ишига киришингиз…” деб мархамат килган.
Афсуски, Аллоҳ таолонинг улуғ неъмати бўлмиш тинчликдан хамма ҳам баробар баҳраманд эмас. Чунки, дунёнинг турли бурчакларида террорчилар томонидан нохақ қон тўкишлар содир этилмокда. Шундай мудхиш вокеаларнинг қабиҳ ниятли бузғунчи гурўҳлар томонидан амалга оширилиши бутун дунё тинчликсевар халкларининг қалбини ларзага солади.
Шунингдек ислом динини никоб килиб, узларининг гаразли максадларига эришишга уринаётган харакат ва кучларга карши доимо сергак ва хушёр туриш зарурлигини яна бир бор таъкидлаймиз.
Халк орасида фитна кузгатиш, туҳмат ва иғво таркатиш йулидаги уринишлар тинчлик ва хотиржамликни издан чикарувчи ходисалардан хисобланади. Шунинг учун хам , бундай ҳаракатлар исломнинг моҳиятига мутлақо зид экани Куръони каримнинг “Бакара” сураси 191-оятидаги “...Фитна қотилликдан ҳам ямонрокдир...” деган кўрсатма нақадар тўғри эканини тасдиклайди.
Урушлар туфайли инсонлар ўртасида меҳр-оқибат, одамгарчилик унутилади, бошланган хайрли ишлар, улуғ максадлар йулда-чулда қолиб кетади. Барчанинг хаётидан хузр-ҳаловат, турмушидан ором-фароғат кутарилиб кетади.
Шунинг учун ҳам Аллоҳ таоло бандаларини бўлар-бўлмас сабаблар билан урушлар чикаришдан, тор манфаатлар йулида бир-бирларига қурол кўтаришдан қайтарган.
Пайгамбаримиз Мухаммад алайхиссалом ҳам кўплаб хадисларида бу ғояни илгари сурганлар. Охирги (Вадо) хажларида; “ Бир-бирингизни қонингиз ва обруйингизни тўкишингиз, мол-мулкингизга тажовуз қилишингиз барчаларингизга ҳаромдир” деганлар. (Имом Муслим ривояти). Яна бошқа хадисларида “Мен вафот этганимдан сўнг бир-бирларингизни бўғзига тиғ урадиган кофир бўлиб кетманглар” дейилган (Имом Бухорий ривояти).
Истиқлолнинг илк кунлариданоқ жаннатмакон юртимизда тинчлик- осойишталик баркарорликни таъминлаш йўлида катта ишлар олиб борилмокда. Барчамиз она Ватанимиздаги тинч, осойишта ва фаравон хаётнинг қадрига етиб, эл-юрт тақдири, келажаги учун кайғуриб умргузаронлик килайлик.
Яратгандан бир-биримизга тинчлик, бғубор осмон, осойишта хаёт, хотиржамлик тилайлик! Аллоҳ таоло тинчлик–осойишталигимизни хамиша барқарор айласин, жаннатмакон юртимизни тинч, мехнаткаш халкимизни фаравон, осмонимизни мусаффо этсин, омин!.