Юртимизда ҳар йили 3-декабр - Халқаро ногиронлар куни сифатида нишонланиши халқимизнинг қалби меҳр ва мурувватга тўла эканлигидан далолат беради. У кунда хайру-эҳсонлар, ногиронларнинг ҳолидан хабар олишлар амалга оширилади. Нафақат 3-декабр - Халқаро ногиронлар куни балки барча байрамларда ўзгалар меҳри ва ёрдамига муҳтож қалбларнинг уйларига бориб уларнинг ҳолларидан хабар олиниши, моддий ва маънавий ёрдамлар кўрсатилиши одат тусига айланган. Зеро, кўнгли ўксикларни ҳолидан хабар олиш, уларнинг қалбларини қувончга тўлдириш савоби улуғ амаллар сирасига киради. Бу халқимизга хос фазилат.
Ана шундай хайрли тадбирлардан бири Денов тумани “Эркаклар мурувват уйи” да тумандаги 14 та жомеъ масжидлар ҳомийлигида амалга оширилиб, хайрия дастурхони ёзилди. Эҳсон сўнгида “Эркаклар мурувват уйи” да истиқомат қилувчиларга кийим-кечаклар тарқатилди.
Денов тумани “Имом Исмоил Бухорий” жомеъ масжиди имом-хатиби в/б: К. Артиков